Рэспублiкi
11 красавіка 2017
Вясеннія абмежаванні нагрузак на рэспубліканскіх дарогах Беларусі адмяняюцца з 12 красавіка
11 красавіка, Мінск /Кар. БЕЛТА/. Вясеннія сезонныя абмежаванні нагрузак на восі транспартных сродкаў на рэспубліканскіх дарогах адмяняюцца з 12 красавіка, паведамілі БЕЛТА ў прэс-службе Міністэрства транспарту і камунікацый Беларусі.Такое рашэнне прадугледжана пастановай Міністэрства транспарту і камунікацый нумар 10 ад 3 красавіка 2017 года, якая апублікавана сёння на Нацыянальным прававым інтэрнэт-партале.
Дакументам адмяняюцца вясеннія абмежаванні нагрузак (з 15 сакавіка па 25 красавіка) на восі транспартных сродкаў, самаходных машын на рэспубліканскіх дарогах, уведзеныя пастановай ведамства нумар 3 ад 28 лютага бягучага года.
Як праінфармавалі ў Мінтрансе, адмена сезонных абмежаванняў нагрузак на восі ў вясенні перыяд 2017 года накіравана на павышэнне зручнасці карыстальнікаў рэспубліканскіх аўтамабільных дарог пры ажыццяўленні рэспубліканскіх і міжнародных грузаперавозак і ўлічвае транспартна-эксплуатацыйны стан рэспубліканскіх аўтатрас.-0-
Навіны Беларусі