Рэспублiкi

3 студзеня, Мінск /Кар. БЕЛТА/. З 1 студзеня 2017 года ва ўсіх плацежных тэрміналах, устаноўленых у арганізацыях гандлю (сэрвісу), павінны прымацца для правядзення аплаты банкаўскія плацежныя карткі з магнітнай паласой і мікрапрацэсарам стандарту EMV і рэгістравацца аперацыі з іх выкарыстаннем па адпаведнай тэхналогіі, а ў новаўстанаўліваемых плацежных тэрміналах у арганізацыях гандлю (сэрвісу) павінны прымацца для правядзення аплаты бескантактныя банкаўскія плацежныя карткі і рэгістравацца аперацыі з іх выкарыстаннем па тэхналогіі радыёчастотнай ідэнтыфікацыі, паведамляе БЕЛТА.

Згодна з растлумачэннямі Нацыянальнага банка, плацежныя тэрміналы, што ўстаноўлены ў арганізацыях гандлю (сэрвісу) да 1 студзеня 2017 года і не абслугоўваюць бескантактныя плацежныя карткі, не падлягаюць абавязковай замене.

Акрамя таго, Нацыянальны банк сваім рэкамендацыйным пісьмом звярнуў увагу банкаў на неабходнасць перапрацоўкі інструкцый па абслугоўванні трымальнікаў картак, у частцы аплаты за тавары (работы, паслугі) не толькі непасрэдна з выкарыстаннем банкаўскай плацежнай карткі, але і з выкарыстаннем яе рэквізітаў, якія могуць быць запісаны як на мабільных устройствах пакупніка, так і на іншых носьбітах (бірулькі, гадзіннікі і да т.п.), і арганізаваць адпаведнае навучанне работнікаў арганізацый гандлю (сэрвісу).-0-