Рэспублiкi
13 ліпеня 2017
У Беларусі распрацоўваюцца стандарты якасці сацыяльных паслуг
13 ліпеня, Мінск /Кар. БЕЛТА/. У Беларусі распрацоўваюцца стандарты якасці сацыяльных паслуг, паведаміў намеснік міністра працы і сацыяльнай абароны Аляксандр Румак сёння на прэс-канферэнцыі "Навацыі ў сістэме сацыяльнага абслугоўвання Беларусі" ў прэс-цэнтры БЕЛТА.Закон "Аб унясенні змяненняў і дапаўненняў у Закон Рэспублікі Беларусь "Аб сацыяльным абслугоўванні" прыняты Палатай прадстаўнікоў 17 мая, адобраны Саветам Рэспублікі 31 мая, афіцыйна апублікаваны 24 чэрвеня і ўступіць у сілу праз 6 месяцаў пасля яго афіцыйнага апублікавання - 25 снежня.
Новай рэдакцыяй закона прадугледжана ўвядзенне стандартаў якасці сацыяльных паслуг. НДІ працы Міністэрства працы і сацыяльнай абароны падрыхтаваў прапановы аб патрабаваннях да напаўнення і якасці сацыяльных паслуг, што аказваюцца ў рамках дзяржаўных мінімальных сацыяльных стандартаў у галіне сацыяльнага абслугоўвання, праінфармаваў намеснік міністра. Гэтыя прапановы ўзгадняюцца з аблвыканкамамі і Мінгарвыканкамам.
"Неабходна дакладная рэгламентацыя часу аказання той ці іншай паслугі, а таксама зместу кожнай сацпаслугі, што ўваходзіць у пералік бясплатных і агульнадаступных паслуг. Якасць аказання сацпаслуг будзе ацэньвацца па адпаведных крытэрыях", - сказаў Аляксандр Румак.
Новай рэдакцыяй закона "Аб сацыяльным абслугоўванні" мясцовыя выканаўчыя і распарадчыя органы надзяляюцца паўнамоцтвамі па пашырэнні пераліку аказваемых сацыяльных паслуг і катэгорый грамадзян, маючых права на іх атрыманне. Таксама прадугледжваецца магчымасць аказання сацыяльных паслуг на падставе трохбаковага дагавора. Патрабаванні да напаўнення і якасці сацыяльных паслуг, якiя аказваюцца ў рамках дзяржаўных мінімальных сацыяльных стандартаў, будуць зацверджаны пастановай Мінпрацы і сацабароны.-0-
Навіны Беларусі