Рэспублiкi
Сусветны банк зацікаўлены ў рэалізацыі сумесных праектаў з Беларуссю
1 чэрвеня, Мінск /Юлія Огнева - БЕЛТА/. Сусветны банк зацікаўлены ў рэалізацыі сумесных праектаў з Беларуссю, заявіў сёння віцэ-прэзідэнт рэгіёна Еўропы і Цэнтральнай Азіі Сусветнага банка Сірыл Мюлер на сустрэчы з прэм'ер-міністрам Беларусі Андрэем Кабяковым, перадае карэспандэнт БЕЛТА.
"Хачу падзякаваць за цёплыя словы адносна партнёрскіх адносін паміж Беларуссю і Сусветным банкам. Мы ганарымся работай, якую правялі з вашай краінай. За апошнія гады мы значна нарасцілі партфель праектаў. У нас склалася добрая гісторыя рэалізацыі праектаў у Беларусі і ацэнкі іх вынікаў, - адзначыў Сірыл Мюлер. - Хачу, каб мы прадаўжалі рухацца па гэтай траекторыі і рэалізоўвалі праекты, якія даюць адчувальныя вынікі".
Беларусь з'яўляецца членам Сусветнага банка з 1992 года. Па стане на 19 мая Беларусі належыць 4 тыс. 889 галасоў (0,21 працэнта ад агульнай колькасці) і 4 тыс. 211 акцый (0,19 працэнта).
Дзеючы партфель уключае 9 інвестыцыйных пазык на суму амаль $1 млрд і 4 гранты на агульную суму амаль $8,8 млн. Агульная сума інвестыцый Сусветнага банка з 1992 па 2016 год склала $1,5 млрд.-0-