Рэспублiкi
31 студзеня 2017
Саўмін і Нацбанк зацвердзяць стратэгію развіцця фінансавага рынку Беларусі да 2020 года
31 студзеня, Мінск /Кар. БЕЛТА/. Прэм'ер-міністр Беларусі Андрэй Кабякоў правёў нараду па стратэгіі развіцця фінансавага рынку Беларусі да 2020 года, паведамілі БЕЛТА ў прэс-службе ўрада.У рабочай сустрэчы прынялі ўдзел кіраўнікі Нацыянальнага банка, Мінфіна, Мінэканомікі, Дзяржкаммаёмасці. Абмяркоўваліся пытанні падрыхтоўкі і зацвярджэння сумеснай пастановай Савета Міністраў і Нацыянальнага банка стратэгіі развіцця фінансавага рынку Беларусі да 2020 года, а таксама пытанні ўдасканалення дзяржаўнага рэгулявання фінансавага рынку.
Распрацаваная стратэгія развіцця фінансавага рынку да 2020 года нацэлена на забеспячэнне якаснай трансфармацыі фінансавага рынку рэспублікі, павышэнне ступені яго структурнай збалансаванасці і стабільнасці, больш эфектыўнае задавальненне патрэбнасцей у фінансавых паслугах.-0-
Навіны Беларусі