Рэспублiкi
18 ліпеня 2017
Парадак прадстаўлення інфармацыі аб іншаземцах з гасцініц зменіцца з 1 кастрычніка
19 ліпеня, Мінск /Кар. БЕЛТА/. Парадак прадстаўлення інфармацыі аб іншаземцах з гасцініц у органы ўнутраных спраў змяняецца з 1 кастрычніка. Аб гэтым паведамляецца на сайце МУС.Інфармацыя аб замежных грамадзянах і асобах без грамадзянства, якія часова знаходзяцца ў Беларусі, з 1 кастрычніка павінна перадавацца з дапамогай інфармацыйных рэсурсаў (сістэм) МУС або адзінага партала электронных паслуг агульнадзяржаўнай аўтаматызаванай інфармацыйнай сістэмы, або нарачным. Таксама з 1 кастрычніка змяняецца тэрмін прадстаўлення такіх звестак - з 24 да 3 гадзін пасля прадастаўлення жылля. Да названай даты інфармацыя перадаецца ў ранейшым парадку.
Парадак прадстаўлення інфармацыі змяняецца ў сувязі з уступленнем у сілу 1 кастрычніка 2017 года змяненняў у законе "Аб прававым становішчы замежных грамадзян і асоб без грамадзянства". Даныя прадстаўляюць у орган унутраных спраў гасцініцы, санаторна-курортныя і аздараўленчыя арганізацыі, суб'екты аграэкатурызму, юрыдычныя асобы і індывідуальныя прадпрымальнікі, якія аказваюць паслугі па здачы ў наём (паднаём) жылых памяшканняў.
Падрабязная інфармацыя аб парадку, часе і спосабах прадстаўлення ў орган унутраных спраў звестак аб іншаземцах, якія часова знаходзяцца ў Беларусі, размешчана на сайце МУС у раздзеле "Дэпартамент па грамадзянстве і міграцыі".-0-
Навіны Беларусі