Рэспублiкi
25 студзеня 2017
Папячыцельскі савет установы адукацыі можа быць юрыдычнай асобай і мець асобны разліковы рахунак
26 студзеня, Мінск /Кар. БЕЛТА/. Папячыцельскі савет установы адукацыі можа зарэгістравацца як юрыдычная асоба і, адпаведна, адкрыць асобны разліковы рахунак. Аб гэтым гаворыцца ў каментарыі Міністэрства адукацыі аб арганізацыі работы папячыцельскіх саветаў устаноў адукацыі, размешчаным на сайце міністэрства, паведамляе БЕЛТА.Згодна з палажэннем аб папячыцельскім савеце ўстановы адукацыі, сродкі папячыцельскага савета фарміруюцца з добраахвотных узносаў, якія залічваюцца на разліковы рахунак па ўліку пазабюджэтных сродкаў установы адукацыі. У сувязі з пытаннямі, якія ўзнікаюць, Міністэрства адукацыі тлумачыць: папячыцельскі савет можа зарэгістравацца як юрыдычная асоба і, адпаведна, адкрыць асобны разліковы рахунак. Усе сродкі папячыцеляў могуць выкарыстоўвацца толькі па мэтавым прызначэнні і па ўзгадненні з бацькоўскімі камітэтамі і кіраўніком установы адукацыі. Выкарыстанне сродкаў папячыцельскага савета вызначаецца самім саветам сумесна з бацькоўскімі камітэтамі.
Раней былі апублікаваны дзве пастановы Міністэрства адукацыі, якія размяжоўваюць функцыі папячыцельскага савета і бацькоўскага камітэта школы, дзіцячага сада, ліцэя, каледжа. Усе фінансавыя пытанні будуць вырашацца толькі праз папячыцельскі савет. Калі хтосьці з бацькоў выказаў жаданне дапамагчы, папячыцельскі савет установы адукацыі прадаставіць разліковы рахунак, на які можна пералічыць сродкі.
Папячыцельскі савет з'яўляецца органам самакіравання ўстановы адукацыі і ствараецца з мэтай аказання садзейнічання ў забеспячэнні дзейнасці і развіцця ўстановы. Туды ўваходзяць прадстаўнікі кіраўніцтва школы, бацькі, дабрачынцы, шэфскія арганізацыі. -0-
Навіны Беларусі