Рэспублiкi
Парадак дня саміту АДКБ абмяркоўваюць у Астане на высокім узроўні
8 лістапада, Астана /Уладзімір Мацвееў - БЕЛТА/. Сумеснае пасяджэнне Савета міністраў замежных спраў, Савета міністраў абароны і Камітэта сакратароў саветаў бяспекі Арганізацыі дагавора аб калектыўнай бяспецы праходзіць у Астане, перадае карэспандэнт БЕЛТА.
У час пасяджэння плануецца абмеркаваць больш за два дзясяткі пытанняў, 15 з якіх будуць вынесены на разгляд кіраўнікоў дзяржаў. Лідары краін АДКБ правядуць перагаворы ў сталіцы Казахстана ў другой палавіне дня.
Міністры і сакратары саветаў бяспекі прыбылі ў Палац Незалежнасці ў Астане раніцай 8 лістапада. Непасрэдна перад пасяджэннем у іх была магчымасць паразмаўляць у кулуарах, зверыць гадзіннікі па найбольш актуальных пытаннях. Афіцыйная частка мерапрыемства пачалася пасля цырымоніі сумеснага фатаграфавання і праходзіць без удзелу прэсы.-0-