Рэспублiкi
Кітайска-беларускія адносіны перажываюць найлепшы час у гісторыі свайго развіцця - Мэн Цзяньчжу
18 жніўня, Мінск /Кар. БЕЛТА/. Кітайска-беларускія адносіны перажываюць найлепшы час у гісторыі свайго развіцця. Аб гэтым заявіў сёння журналістам член Палітбюро Цэнтральнага камітэта Камуністычнай партыі Кітая, сакратар палітыка-юрыдычнай камісіі ЦК КПК Мэн Цзяньчжу, перадае карэспандэнт БЕЛТА.
"Кітайска-беларускія дружалюбныя адносіны і супрацоўніцтва цяпер перажываюць найлепшы час у гісторыі свайго развіцця, - сказаў Мэн Цзяньчжу. - Лічым, што ўзаемадзеянне паміж беларускім і кітайскім народамі мае вельмі шырокія перспектывы. Мы поўныя ўпэўненасці ў яшчэ больш светлым будучым нашага ўзаемадзеяння".
Паводле слоў сакратара камісіі, у палітычным плане краіны маюць супадаючыя пазіцыі па большасці актуальных пытанняў міжнароднага парадку дня. "У нас беспрэцэдэнтна высокі ўзровень узаемнага палітычнага даверу", - падкрэсліў ён.
Няспынна ўмацоўваецца гандлёва-эканамічнае супрацоўніцтва краін, адзначыў Мэн Цзяньчжу. "Узорны праект супрацоўніцтва нашых краін - Кітайска-беларускі індустрыяльны парк - уражвае ўсіх па сваіх маштабах і тэмпах развіцця", - заявіў член Палітбюро ЦК КПК.-0-