Рэспублiкi

Яўка выбаршчыкаў на мясцовых выбарах у Беларусі перавысіла 77 працэнтаў

19 лютага, Мінск /Кар. БЕЛТА/. Яўка выбаршчыкаў на выбарах дэпутатаў мясцовых Саветаў 28-га склікання ў Беларусі перавысіла 77 працэнтаў. Аб гэтым журналістам паведаміла 18 лютага старшыня ЦВК Лідзія Ярмошына, паведамляе карэспандэнт БЕЛТА.

Паводле папярэдніх даных Цэнтрвыбаркама, у Беларусі прагаласавала 77,05 працэнта выбаршчыкаў. У Брэсцкай вобласці яўка склала 79,16 працэнта, у Віцебскай - 84,49 працэнта, у Гомельскай - 80,76 працэнта, у Гродзенскай - 79,81 працэнта, у Мінскай - 77,97 працэнта, у Магілёўскай - 82,26 працэнта і ў Мінску - 61,41 працэнта.

"Выбаршчыкі падтрымалі выбары", - падкрэсліла Лідзія Ярмошына.

Для галасавання на мясцовых выбарах было ўтворана 5870 участкаў - яны закрыліся ў 20.00.

Кандыдатамі ў дэпутаты было зарэгістравана 22,2 тыс. чалавек. Яны прэтэндавалі у агульнай колькасці на крыху больш за 18 тыс. мандатаў.-0-


Навіны Беларусі