Рэспублiкi
16 лютага 2017
"Белтэлекам" павялічвае кошт некаторых тарыфаў на паслугі з 1 сакавіка
16 лютага, Мінск /Кар. БЕЛТА/. РУП "Белтэлекам" паведамляе абанентам аб унясенні змяненняў у некаторыя тарыфы на паслугі. Адпаведная інфармацыя размешчана на афіцыйным сайце аператара, паведамляе БЕЛТА."З 1 сакавіка 2017 года будзе зменены кошт некаторых паслуг "Белтэлекама": паслуг тэлеграфнай сувязі, паслуг міжнародных тэлефонных злучэнняў, пакетаў паслуг і даведачна-інфармацыйных паслуг. Змяненні ў кошце закрануць таксама некаторыя тарыфныя планы тэлебачання ZALA і паслугі доступу да сеткі інтэрнэт", - гаворыцца ў паведамленні.
Сярэдні памер павышэння кошту складзе 9 працэнтаў да ўзроўню тарыфаў, што дзейнічалі ў 2016 годзе.
Павышэнне тарыфаў на паслугі мясцовай і міжгародняй тэлефоннай сувязі, а таксама на паслугі доступу ў лінейна-кабельныя збудаванні, доступу ў сеткі інтэрнэт па гарантаванай паласе прапускання і паслугі хостынгу ў 2017 годзе не плануецца.-0-
Навіны Беларусі