Рэгiёна
Інтэрактыўны праект "Пушкін-цэнтр" рэалізуюць у Магілёве да 2023 года
Інтэрактыўны праект "Пушкін-цэнтр" рэалізуюць у Магілёве да 2023 года. Ён з'явіцца на базе дзіцячай бібліятэкі-філіяла імя А.С.Пушкіна, расказала карэспандэнту БЕЛТА загадчыца ўстановы культуры Ганна Шувалава.
"Інтэрактыўны праект будзе створаны на базе бібліятэкі на сродкі гранта, які мы выйгралі за перамогу ў конкурсе фонду "Рускі свет", - адзначыла Ганна Шувалава. - Грошы пойдуць на набыццё выставачнага комплексу, які размесціцца ў фае нашай установы. У ім будуць прадстаўлены музейная калекцыя пушкініяны, новых кніг - перавыдання твораў рускага класіка, роставыя лялькі казачных герояў. Акрамя таго, будзе зроблена інтэрактыўная карта з адлюстраваннем мясцін, звязаных з жыццём і творчасцю пісьменніка, і мегагульня па сюжэтах пушкінскіх казак".
У праект таксама ўвойдзе шэраг культурна-масавых мерапрыемстваў для розных узроставых катэгорый: экскурсіі, акцыя ў сацыяльных сетках #Беларусьчытае Пушкіна, арт-фестываль "Пропуск у Лукамор'е", культурна-асветная акцыя "Бібліятэчная ноч з Пушкіным", правядзенне якой запланавана ў Дзень бібліятэк.
"Стварэнне праекта выведзе нашу ўстанову на новы ўзровень падачы інфармацыі аб жыцці і творчасці класіка, дапаможа сучаснаму чытачу па-новаму зірнуць на творчасць Аляксандра Сяргеевіча. Акрамя таго, "Пушкін-цэнтр" дапоўніць бібліятэчны фонд і будзе садзейнічаць папулярызацыі творчасці класіка", - сказала на заканчэнне загадчыца бібліятэкі.-0-