Усе рэгіёны Беларусі завяршылі церабленне лёну
Усе рэгіёны Беларусі завяршылі церабленне лёну. Аб гэтым паведамілі БЕЛТА ў Міністэрстве сельскай гаспадаркі і харчавання.
У Беларусі на 24 жніўня сабрана больш за 91 працэнт убіраемых культур: з іх 92 працэнты збожжавых каласавых і зернебабовых культур і больш за 88 працэнтаў рапсу. Усяго намалочана збожжа з улікам рапсу 6784 тыс.т, з іх 5849 тыс.т збожжавых каласавых і зернебабовых культур і больш як 935 тыс.т рапсу. Брэсцкая вобласць завяршыла ўборку ранніх збожжавых каласавых і зернебабовых культур, набліжаюцца да фінішу Мінская і Гродзенская вобласці.
Прадаўжаюцца работы па ўборцы льнотрасты, нарыхтавана больш за 37 тыс.т.
Саломы пасля ўборкі збожжавых каласавых і зернебабовых культур убрана на 57 працэнтаў да скошанай плошчы. Праведзена лушчэнне іржышча на 14 працэнтах да ўбранай плошчы.
Азімы рапс на зерне пасеяны на 95 працэнтах плошчы краіны - Мінская, Брэсцкая, Магілёўская і Віцебская вобласці завяршылі сяўбу.
Гаспадаркі краіны пачалі ўборку бульбы. Ураджайнасць - 320,8 ц/га. Сабрана зялёнай масы кукурузы 408 тыс.т.-0-