Шэсць юнацкіх каманд з Беларусі і Расіі пазмагаюцца за прызы турніру "Інтэрбаскет" у Магілёве

5 красавіка, Магілёў /Кар. БЕЛТА/. Шэсць юнацкіх каманд з Беларусі і Расіі пазмагаюцца за прызы турніру "Інтэрбаскет" у Магілёве. Аб гэтым карэспандэнту БЕЛТА расказаў дырэктар абласнога цэнтра алімпійскага рэзерву па лёгкай атлетыцы і гульнявых відах спорту Дзмітрый Чыгір.

Адкрыты гарадскі турнір па баскетболе сярод юнацкіх каманд гарадоў-пабрацімаў і гарадоў-партнёраў сабраў амаль 70 удзельнікаў з Магілёва, Звянігарада, Тулы, Волагды, Бранска, Смаленска. Спаборніцтвы праходзяць з 5 па 8 красавіка ў спартыўным комплексе "Алімпіец", афіцыйнае адкрыццё турніру запланавана 6 красавіка і пройдзе з удзелам міністраў спорту Беларусі і Расіі Сяргея Кавальчука і Алега Матыцына.

Як адзначыў Дзмітрый Чыгір, такія спаборніцтвы важныя для абмену вопытам і павышэння прафесійнага ўзроўню спартсменаў, а таксама наладжвання беларуска-расійскіх сувязей у сферы дзіцяча-юнацкага спорту. Больш таго, для юных ігракоў яны становяцца стымулам да самаразвіцця і дасягнення новых спартыўных вяршынь.

Спаборніцтвы сталі традыцыйнымі і арганізуюцца з 2003 года. З-за каранавіруснай інфекцыі ў іх правядзенні быў зроблены трохгадовы перапынак. У гэтым годзе турнір прымеркаваны да Года міру і стварэння.