Рэспублiкi
У Беларусі перанесены тэрміны ўвядзення прасочвальнасці і маркіроўкі тавараў
Саветам Міністраў 25 лістапада 2024 года прынята пастанова нумар 877, якая прадугледжвае перанос з 1 снежня 2024 года на 1 кастрычніка 2025 года тэрмінаў увядзення прасочвальнасці і маркіроўкі тавараў, паведамілі карэспандэнту БЕЛТА ў Міністэрстве па падатках і зборах.
Пераносяцца тэрміны ўвядзення нагляду, у прыватнасці, макаронных вырабаў, круп, малочнай прадукцыі, кандытарскіх вырабаў, шакаладу, чаю, кавы, абутку, бытавой тэхнікі, дрылёў электрычных, мыйных сродкаў, а маркіроўкі сродкамі ідэнтыфікацыі - адносна безалкагольных напіткаў, сокаў, мабільных тэлефонаў і ноўтбукаў.
Прыняцце пастановы дазволіць айчынным вытворцам, суб'ектам гандлю і імпарцёрам названых тавараў лепш падрыхтавацца да ўвядзення маркіроўкі і прасочвальнасці за таварамі, падкрэслілі ў МПЗ.-0-