Рэгiёна

У Беларусі пачалася сяўба яравога рапсу, буракоў, бульбы і кукурузы, паведамілі БЕЛТА ў Міністэрстве сельскай гаспадаркі і харчавання.

Па стане на 12 красавіка сяўба ранніх яравых збожжавых і зернебабовых культур (без кукурузы, грэчкі і проса) праведзена на плошчы 204,6 тыс. га, або 31,5 працэнта плана. У Брэсцкай вобласці сяўба праведзена на 76,5 працэнта запланаваных плошчаў, Віцебскай - 0,56 працэнта, Гомельскай - 30,2 працэнта, Гродзенскай - 73,8 працэнта, Мінскай - 20,7 працэнта, Магілёўскай - 5,6 працэнта. Таксама прадаўжаецца і падрыхтоўка глебы пад сяўбу, падрыхтавана ўжо 300,7 тыс. га (46,2 працэнта плана).

Сяўба яравога рапсу ўжо выканана на плошчы 0,58 тыс. га, або 1,24 працэнта да плана, лёну - 3,5 тыс. га, або 7,46 працэнта, цукровых буракоў - 6,12 тыс. га, або 6,02 працэнта, аднагадовых траў - 22,3 тыс. га, або 8,51 працэнта. Пачалася і пасадка бульбы - яе пакуль высадзілі толькі на 0,01 тыс. га, або 0,04 працэнта ад плана. Таксама стартавала пасадка кукурузы - 0,44 тыс. га, або 0,04 працэнта ад плана.

Раннія яравыя збожжавыя і зернебабовыя культуры ў бягучым годзе плануецца пасеяць на плошчы 650,4 тыс. га, кукурузу на зерне - на 265,3 тыс. га, бульбу - на 26,1 тыс. га, цукровыя буракі - на 101,7 тыс. га. У бягучым годзе сельскагаспадарчыя арганізацыі, сялянскія (фермерскія) гаспадаркі павінны забяспечыць вытворчасць збожжа ў аб'ёме 8,877 млн т.