Рус
Eng
Бел

Прыёмная райвыканкама

Адрас райвыканкама:
213010, г. Шклоў, вул. Ленiнская, 76
Тэлефон/факс прыёмнай:
8 (02239) 7-81-15
E-mail: rik@shklov.gov.by

Галоўная Навiны Рэспублiкi

Рэспублiкi

5 ліпеня 2018

У Мінсельгасхарчы абмеркавалі выкананне паставак ільновалакна і гатоўнасць тэхнікі да ўборачнай

5 ліпеня, Мінск /Кар. БЕЛТА/. У Мінсельгасхарчы разгледзелі пытанні падрыхтоўкі да ўборачнай кампаніі. Нараду са старшынямі камітэтаў па сельскай гаспадарцы і харчаванні аблвыканкамаў правёў 4 ліпеня міністр сельскай гаспадаркі і харчавання Леанід Заяц, паведамілі карэспандэнту БЕЛТА ў прэс-службе міністэрства.

"Адно з важнейшых пытанняў - выкананне паставак ільновалакна ў лік дзяржаўнага заказу і гатоўнасць тэхнікі да ўборкі лёну. Асаблівая ўвага ўдзялялася пастаўкам на Аршанскі льнокамбінат", - сказалі ў прэс-службе.

Акрамя таго, на парадку дня была падрыхтоўка збожжаўборачнай тэхнікі і зернесушыльных комплексаў да ўборкі ўраджаю 2018 года і забяспечанасць сельгасарганізацый гаруча-змазачнымі матэрыяламі. Абмяркоўвалася асваенне нарыхтоўшчыкамі крэдытаў для разлікаў за прадукцыю раслінаводства і матэрыяльнае стымуляванне работнікаў за кошт атрымання прадукцыі звыш плана. "Неабходна таксама ўдасканальваць сістэму фінансавання закупкі мінеральных угнаенняў арганізацыямі аграпрамысловага комплексу на 2019 год, у тым ліку арганізацыямі, актывы якіх знаходзяцца ў ААТ "Агенцтва па кіраванні актывамі". Гэта пытанне таксама не засталося без увагі", - адзначылі ў прэс-службе.

Старшыні камітэтаў па сельскай гаспадарцы і харчаванні аблвыканкамаў таксама расказалі аб прынятых мерах па змяншэнні ўплыву наступстваў засухі на выкананне вытворчых паказчыкаў у 2018 годзе.-0-




Iнтэрнэт - рэсурсы